Badatoz Gabonetako oporrak, eta, aurten ere, seme-alabentzako futbol- eta saskibaloi-kanpusak antolatu ditu Antigua Luberri Kirol Elkarteak. Izena emateko epea irekita dago jadanik!
2013. eta 2016. urteen artean jaiotakoek parte hartu ahal izango dute, biak barne, eta honako lau txanda hauek antolatuko dira:
1. txanda: abenduaren 23an eta 24an.
2. txanda: abenduaren 26an eta 27an.
3. txanda: abenduaren 30ean eta 31n.
4. txanda: urtarrilaren 2an eta 3an.
Txanda bakoitzagatik 35 € ordainduko dira, eta egun solteengatik, berriz, 20 euro egun bakoitzagatik. Bestalde, eskolako kide diren haurrei 5 euroko beherapena egingo zaie, hau da, 15 euro ordainduko dituzte txanda bakoitzagatik.
Dinamika aurreko urteetako bera izango da. Goizeko 9.00tan, haurrei harrera egingo diete begiraleek, eta 9.30etatik 11.00tara lehen jarduera bat egingo dute. Indarrak berreskuratzeko hamaiketakoa egingo dute ordu horretan (nork bere etxetik ekarritakoa), eta, 11.30etatik aurrera, bigarren jarduera bat egingo dute ordu biak arte.
Nahi izanez gero, eman izena hemen. Animatu!
